شو بيقدر وصلني يعملّك؟
من وجبة الغدا لدوا الصيدلية، ومن غرض عند صاحبك لمشوار بالتاكسي. هون بنشرحلك كل خدمة وكيف بتشتغل.
كل محلّات منطقتك بجيبك
مطاعم، كافيهات، حلويات، مخابز، سوبرماركت، خضار، ملاحم، صيدليات، عطور، ملابس، إلكترونيات، هدايا وأكتر. أكتر من 20 نوع محل بخمس محافظات القطاع.
- شوف المفتوح هلّق والأعلى تقييماً والأقرب إلك.
- اختار الإضافات اللي بدك ياها: الحجم، الصوص، بدون بصل… وكل إضافة بسعرها.
- سعر التوصيل حسب المسافة بيبدأ من 10 ₪، وبيظهرلك كامل قبل ما تأكّد.
- اختار مين يوصّلك: كابتن معيّن، شركة توصيل، أو خلّي النظام يختار بالدور العادل.
- تابع الكابتن على الخريطة واحكي معه من جوّا التطبيق، وبتستلم برمز QR.
- اطلب مرّة تانية نفس طلبك القديم بكبسة وحدة.
بدك توصّل إشي مش من متاجرنا؟
اكتب شو بدك ومن وين لوين، والكباتن القريبين بيبعتولك عروض أسعار، وإنت بتختار العرض اللي بيناسبك.
- وصّل غرض: مفاتيح نسيتها، أوراق، طرد لقرايبك…
- اشتريلي: الكابتن بيشتري الغرض من أي محل وبيجيبه، وإنت بتحدّد الميزانيّة.
- إنت بتختار الكابتن والسعر من العروض، وبتشوف تقييمه قبل.
- محادثة وتقييم مع الكابتن لحد ما يوصل الغرض.
مشوارك بسعر ثابت بتعرفه قبل
داخل مدينتك أو بين المحافظات، الأجرة ثابتة وبتظهرلك قبل ما تطلب. ما في مفاصلة ولا مفاجآت.
- اختار من وين لوين وبتشوف الأجرة فوراً.
- بنوصّل طلبك لسوّاق متاح بمدينتك، وبتشوف اسمه وسيارته ولونها ورقم اللوحة.
- الدفع من المحفظة، والمبلغ بيرجعلك كامل إذا انلغى المشوار.
- بتعرف كل خطوة: السوّاق قبل، وصل، بلّش المشوار، خلص.
فاجئ حدا بتحبّه
اطلب أكلة أو حلو أو ورد لصاحبك أو لأهلك، واكتب رسالة إهداء. إنت بتدفع، وهو بيستلم على بابه.
- اكتب اسم المستلم ورقمه وعنوانه، ورسالة منك إذا بدك.
- سعر توصيل ثابت داخل مدينة المحل، بيظهرلك قبل التأكيد.
- بتقدر تخفي اسمك وتخلّيها مفاجأة كاملة.
- المستلم بيوصله رمز برسالة SMS، وبيعطيه للكابتن عشان نتأكّد إنها وصلت للشخص الصح.
اطلب هلّق، واستلم بالوقت اللي بدك ياه
عزومة بكرا؟ فطور يوم الجمعة؟ جدول طلبك من نص ساعة لحد 7 أيام قدّام، وبيوصلك بموعده.
- بتختار اليوم والساعة من التطبيق.
- بتقدر تغيّر الموعد أو تلغي قبل ما يبلّش المحل بالتحضير، والمبلغ بيرجع كامل.
احكيله بلهجتك، وهو بيجهّزلك الطلب
وصّال مساعد بالذكاء الاصطناعي جوّا التطبيق. بيفهم اللهجة الغزّاوية، اكتبله أو احكيله بالمايك.
- بيدوّرلك على المحلّات والأصناف والعروض، والأكتر طلباً.
- بيقترح بدائل إذا الصنف خالص، وإشي بينطلب معه.
- بيعبّيلك السلّة وبيعرضلك ملخّص الطلب، وإنت بتضغط «تأكيد» أو «إلغاء».
- بيجاوبك عن طلباتك ورصيدك ونقاطك وعن أي إشي بالتطبيق.
رصيدك جاهز، والدفع بكبسة
طلبات المحلّات والتاكسي بتندفع من المحفظة. هيك حق المحل والكابتن محفوظ، وإذا انلغى طلبك المبلغ بيرجعلك تلقائياً.
- اشحن المحفظة بتحويل بنكي أو تطبيق دفع، وارفع صورة الإيصال.
- شحن جوّال باي بيتطابق تلقائياً مع رسالة التحويل.
- حوّل رصيد لأصحابك وأهلك بثواني.
- كل حركة واضحة بسجلّ المحفظة: شحن، دفع، استرجاع.
كل طلب بيرجعلك بإشي
كل طلب بيوصلك بيجمعلك نقاط، وكل ما تطلب أكتر بتطلع مستوى وبتكسب نقاط أكتر.
- 4 مستويات: برونزي، فضّي، ذهبي، ماسي. بالماسي نقاطك بتتضاعف.
- النقاط بتنزّل سعر التوصيل، وبتقدر تهديها لصاحبك.
- ادعُ صاحبك: لما يعمل أول طلب، إنت وهو بتاخدوا رصيد هدية بالمحفظة.
- كوبونات خصم وسحوبات على جوائز بين فترة وفترة.
جرّب وصلني اليوم
التطبيق مجاني، والتسجيل بياخد دقيقة.